سرگودھا میں تیز رفتار وین بے قابو ہوکر درخت سے ٹکرا گئی،حادثے میں چار افراد جاں بحق ہوگئے۔
سرگودھا میں خوشاب روڈ پر تیز رفتار وین بےقابو ہوکر درخت سے ٹکرا گئی،خوفناک حادثے میں ڈرائیور سمیت چار افراد موقع پر ہی جاں بحق ہوگئے،اس کے علاوہ دس افراد زخمی ہیں۔
جاں بحق افراد میں زاہدہ بی بی، حمیرہ اور اس کی بیٹی سعدیہ شامل ہیں جبکہ چوتھا جاں بحق ہونے والا شخص وین کا ڈرائیور تھا۔
ریسکیوحکام کاکہنا ہےکہ زخمیوں اور لاشوں کو ڈی ایچ کیو اسپتال منتقل کردیاگیا،وین میں ایل پی جی نصب ہونے کے باعث فائر ٹینڈرز بھی طلب کرلیا گیا ہے،حادثہ تیز رفتاری کے باعث پیش آیا۔
وزیراعلیٰ پنجاب مریم نواز نے حادثے میں انسانی جانوں کے ضیاع پر افسوس کا اظہار کیا ہے۔
