جسٹس میاں گل حسن اورنگزیب کو سپریم کورٹ میں بطور مستقل جج تعینات کردیا گیا ، صدر کی منظوری کے بعد وزارت قانون نےنوٹیفکیشن جاری کر دیا ہے ۔
صدر مملکت آصف علی زرداری نے سپریم کورٹ میں جسٹس میاں گل حسن اورنگزیب کی مستقل تعیناتی سے متعلق جوڈیشل کمیشن کی سفارشات کی منظوری دی ۔ جسٹس میاں گل حسن اورنگزیب بطورمستقل جج سپریم کورٹ پیر کو حلف اٹھائیں گے ۔ اس اہم تقرری کے علاوہ جسٹس ظفر احمد راجپوت کو سندھ ہائی کورٹ کا مستقل چیف جسٹس اور جسٹس کامران خان ملاخیل کو بلوچستان ہائیکورٹ کا مستقل چیف جسٹس مقرر کرنے کا نوٹیفکیشن بھی کردیا گیا ہے ۔
