بلوچستان کے ضلع خضدار میں زلزلے کے جھٹکے محسوس کیے گئے۔
زلزلہ پیمامرکز کے مطابق زلزلے کی شدت 3.3 جبکہ گہرائی 15 کلو میٹر ریکارڈ کی گئی، زلزلے کا مرکز خضدار سے 80کلومیٹر دور شمال مغرب میں تھا۔
قبل ازیں بلوچستان کے ضلع سبی میں 4 شدت زلزلے کے جھٹکے محسوس کیے گئے ہیں۔ زلزلہ پیمامرکز کے مطابق زلزلے کی گہرائی 10کلومیٹر تھی، زلزلےکامرکزسبی سے50کلومیٹر جنوب مغرب میں تھا۔
زلزلے کے بعد لوگوں میں خوف وہراس پھیل گیا،عوام کلمہ طیبہ کا ورد کرتے گھروں سے باہر نکل آئے۔ زلزلے میں کسی جانی و مالی نقصان کی اطلاع موصول نہیں ہوئی۔
