بھارت اور سری لنکا کی مشترکہ میزبانی میں ہونے والے آئی سی سی مینز ٹی20 ورلڈکپ 2026 کا ممکنہ شیڈول سامنے آگیا۔ایونٹ فروری سے 8 مارچ تک کھیلا جائے گا۔
ذرائع کے مطابق آئی سی سی ٹی 20 ورلڈ کپ 2026 کے شیڈول کا اعلان آج کیا جائے گا، شیڈول کا اعلان آج ممبئی میں ایک تقریب کے دوران کیا جائے گا۔ آئی سی سی ٹی ٹوینٹی ورلڈ کپ 2026 کے انڈیا اور سری لنکا مشترکہ میزبان ہیں۔
پاکستان اور انڈیا کی ٹیمیں ایک ہی گروپ میں شامل ، ٹاکرا 15 فروری کو ہوگا، پاکستان اور انڈیا کی ٹیمیں کولمبو میں مدمقابل ہوں گی، پاکستان ٹیم تمام میچز سری لنکا میں کھیلے گی۔ پاکستان اور انڈیا کے ساتھ گروپ میں یو ایس اے ، نمیبیا اور نیدر لینڈز کی ٹیمیں شامل ہیں۔
آئی سی سی ٹی ٹوینٹی ورلڈ کپ کی 20 ٹیموں کو 4 گروپس میں تقسیم کیا گیا ہے ، گزشتہ فارمیٹ کی طرح ہر گروپ کی ٹاپ دو دو ٹیمیں سپر ایٹ مرحلے کے لیے کوالیفائی کریں گی۔ سپر ایٹ مرحلے میں 8 ٹیموں کو دو گروپس میں تقسیم کیا جائے گا، دونوں گروپس کی ٹاپ دو دو ٹیمیں سیمی فائنل کے لیے کوالیفائی کریں گی۔
انڈیا میں میچز کولکتہ، چنائی ، دہلی اور احمد آباد میں کھیلے جائیں گے، سری لنکا میں میچز کولمبو اور کینڈی میں ہوں گے۔ احمد آباد کو فائنل کے لیے منتخب کیا گیا ہے ، پاکستان کے پہنچنے کی صورت میں فائنل کولمبو میں ہوگا۔ سیمی فائنلز کے لیے ممبئی اور کولکتہ کو چنا گیا ہے، پاکستان کے پہنچنے کی صورت میں سیمی فائنل کولمبو میں ہوگا۔
سری لنکا آسٹریلیا، زمبابوے آئر لینڈ اور عمان ایک گروپ میں، انگلینڈ ویسٹ انڈیز، بنگلا دیش، نیپال اور اٹلی ایک گروپ میں اور ساوتھ افریقہ، نیوزی لینڈ، افغانستان، یو اے ای اور کینیڈا ایک گروپ میں شامل ہیں۔
