چیف الیکشن کمشنر سکندر سلطان راجا کا کہنا ہے کہ تمام حلقوں میں ضمنی الیکشن پرامن رہا۔ ضابطہ اخلاق کی خلاف ورزی کرنے والوں کے خلاف بلاتفریق ایکشن لیا۔
میڈیا سے گفتگو میں سکندر سلطان راجا نے کہا کہ کم ٹرن آؤٹ کی بہت سی وجوہات ہوتی ہیں۔ اس انتخاب سے نمبر گیم تبدیل نہیں ہونی تھی جس کی وجہ سےعوام کی دلچسپی کم رہی۔ ضمنی انتخابات میں ہمیشہ ٹرن آؤٹ کم رہتا ہے۔
سکندرسلطان راجا نے کہا کہ آج کے ضمنی انتخابات میں کوئی غیر معمولی شکایات موصول نہیں ہوئی، ڈی آراوز نےکچھ رپورٹس بھیجی ہیں،کچھ شکایات کا کمیشن نے خود نوٹس لیا، پنجاب اور خیبرپختونخوا کی حکومتوں کا شکر گزار ہوں۔
چیف الیکشن کمشنر کا کہنا تھا کہ لوکل گورنمنٹ انتخابات میں ضابطہ اخلاق کی خلاف ورزی پر ایک وزیراورامیدوارکونااہل کیاتھا، ہر چیز کی ایک لیگل اسکیم ہے،دنیا بھر میں انتخابات میں خلاف ورزیاں ہوتیں ہیں، طلال چوہدری کو کل طلب کیا، سماعت ہوگی۔ کمیشن کے پاس ٹربیونل کو ہدایات دینے کا کوئی اختیار نہیں۔
