نوشہرہ میں گھر کی چھت گرنے سے 5 افراد جاں بحق، 3 زخمی ہوگئے۔
تحصیل پبی کے علاقے ڈاگ جدید میں ایک گھر کی چھت اچانک منہدم ہو گئی، حادثے کے نتیجے میں گھر کے 8 افراد ملبے تلے دب گئے۔ ریسکیو 1122 کے مطابق 5 افراد موقع پر جاں بحق ہو گئے جبکہ 3 افراد زخمی ہوئے۔
جاں بحق افراد میں 30 سال رضوان 9 سالہ ولیدہ، 6 سالہ ایان، 5 سالہ حفصہ، سار سالہ دعا شامل ہے۔ ریسکیو 1122 کےاہلکاروں نے مسلسل کوششوں کے بعد ملبے تلے دبے تمام افراد کو نکال لیا اور زخمیوں اور جاں بحق افراد کوابتدائی طبی امداد فراہم کرنے کے بعد پبی اسپتال منتقل کر دیا۔
