بنگلا دیش میں زلزلے کے زور دار جھٹکے محسوس کیے گئے۔
بنگلا دیشی میڈیا کے مطابق دارالحکومت ڈھاکا اور دیگر شہر لرز اٹھے، ریکٹر اسکیل پر زلزلے کی شدت 5.7 ریکارڈ کی گئی۔ زلزلے کا مرکز نرسنگدی شہر کے قریب تھا، جھٹکے بھارت کے مشرقی علاقوں میں محسوس کیے گئے۔
رپورٹ کے مطابق زلزلے کے جھٹکوں سے لوگوں میں خوف و ہراس پھیل گیا۔ زلزلے سے 5 افراد جاں بحق ہوگئے، مکانات گرنے سے 200 سے زائد افراد زخمی ہوئے ہیں۔
قبل ازیں انڈونیشیا کے جزیرے سیرام میں زلزلے کے شدید جھٹکے محسوس کئے گئے۔ جرمن زلزلہ پیما مرکز کے مطابق ریکٹر اسکیل پر زلزلے کی شدت 6 جبکہ گہرانی 136 کلومیٹر ریکارڈ کی گئی۔
