اردن کے شاہ عبداللہ کو پاکستان کے اعلیٰ ترین سول ایوارڈ "نشان پاکستان" سے نواز دیا گیا۔
ایوان صدر میں اردن کے بادشاہ عبداللہ دوم کو اعلیٰ ترین سول اعزاز دینے کی تقریب اور ظہرانہ دیا گیا۔ صدرمملکت آصف زرداری نے شاہ عبداللہ دوئم کو پاکستان کے اعلیٰ ترین سول ایوارڈ سے نوازا۔
تقریب میں دونوں ملکوں کے قومی ترانوں کی دھنیں بجائی گئیں۔ وزیراعظم شہبازشریف، فلیڈ مارشل عاصم منیراوراہم شخصیات بھی تقریب میں موجود تھیں۔
ایوان صدر میں معزز مہمان کو نشان پاکستان دینے کی تقریب میں فیلڈ مارشل سید عاصم منیر توجہ کا مرکز رہے۔ شرکا نے بھارتی جارحیت کے جواب میں تاریخی فتح پر آرمی چیف کی بھرپور پزیرائی کی۔
فیلڈ مارشل نے قرآنی آیت کا حوالہ دیتے ہوئے کہا کہ بھارت کیخلاف جنگ میں اللہ تعالیٰ کی مدد سے ہمیں تاریخی فتح ملی۔ کہا مسلمان سپاہی جنگوں میں دشمن پر ریت بھی پھینکتے تھے تو فتح ملتی تھی۔ بھارت کے خلاف جنگ میں یہی ہمارا جذبہ تھا جس کے نتیجے میں ہمیں اللہ کی طرف سے نصرت ملی۔
