صوبائی ڈیزاسٹر منیجمنٹ اتھارٹی (پی ڈی ایم اے) پنجاب نے صوبہ بھر میں مون سون بارشوں کا الرٹ جاری کردیا۔
پی ڈی ایم اے کی جانب سے 17 اگست سے پنجاب کے بیشتر اضلاع میں شدید طوفانی بارشوں کی پیشگوئی کی گئی ہے۔
راولپنڈی ،مری ،اٹک چکوال ،جہلم ،گوجرانولہ،حافظ آباد اور وزیرآباد میں بارشیں متوقع ہیں جبکہ لاہور ، شیخوپورہ ،سیالکوٹ ، نارووال، ساہیوال ، جھنگ اور فیصل آباد میں بھی بارشیں ہوں گی۔
اوکاڑہ ، قصور ،خوشاب ، سرگودھا، بھکر اور میانوالی میں میں بھی بارش کی پیشگوئی کی گئی ہے۔
ڈی جی پی ڈی ایم اے عرفان علی کاٹھیا نے صوبہ بھر کے کمشنرز اور ڈپٹی کمشنرز کو الرٹ رہنے کی ہدایات کی ہے۔
مون سون بارشوں سے پنجاب کے دریاؤں اور ملحقہ ندی نالوں میں پانی میں اضافے کا خدشہ ہے۔
ڈی جی کے مطابق برساتی نالوں میں فلیش فلڈنگ کا خطرہ ہے اور بڑے شہروں میں مون سون بارشوں کے باعث اربن فلڈنگ کے پیش نظر انتظامیہ پیشگی الرٹ رہے۔
