پاکستان اور امریکا نے دہشت گردی کی ہر شکل کے خاتمے کے عزم کا اعادہ کیا ہے۔
پاکستان اور امریکا کے درمیان انسداد دہشت گردی کے حوالے سے ہونے والے مذاکرات کا مشترکہ اعلامیہ جاری کردیا گیا ہے جس کے مطابق دونوں ممالک کی جانب سے دہشت گردی کی ہر شکل کے خاتمے کے عزم کا اعادہ کیا گیا ہے۔
🔊 PR No.2️⃣3️⃣9️⃣/2️⃣0️⃣2️⃣5️⃣
— Ministry of Foreign Affairs - Pakistan (@ForeignOfficePk) August 12, 2025
Pakistan-US Counter-Terrorism Dialogue Joint Press Statement https://t.co/6LFMV00s0a
🔗⬇️ pic.twitter.com/QKL4Vq5Ciu
مشترکہ اعلامیے کے مطابق دونوں ممالک نے بلوچستان لبریشن آرمی ( بی ایل اے )، داعش، خراسان اور ٹی ٹی پی سے لاحق خطرات سے نمٹنے کے لیے مؤثر حکمت عملی پر زور دیا۔
امریکا نے دہشت گرد عناصر کو قابو پانے کے لیے پاکستانی کامیابیوں کو سراہا۔
اعلامیے میں کہا گیا کہ امریکا نے جعفر ایکسپریس حملے اور خضدار اسکول بس دھماکے میں شہادتوں پر تعزیت کا بھی اظہار کیا۔
فریقین نے دہشت گردی میں جدید ٹیکنالوجی کے استعمال کی روک تھام کے لیے مشترکہ حکمت عملی پر اتفاق کیا۔
انسداد دہشت گردی کے لیے ادارہ جاتی ڈھانچے اور صلاحیتوں کو مزید مضبوط بنانے پر بھی زور دیا گیا۔
دونوں ممالک نے اقوام متحدہ سمیت کثیر فریقی فورمز پر قریبی تعاون جاری رکھنے کے عزم کا اظہار کیا اور مذاکرات میں دیرپا امن و استحکام کے لیے مستقل اور منظم روابط کی اہمیت پر اتفاق کیا۔
اسپشل سیکرٹری نبیل منیر اور قائمقام کورآرڈینیٹر امریکی محکمہ گریگری ڈی لوگریفو نے مذاکرات کی مشترکہ صدارت کی۔
