پاکستان اور تاجکستان کی 6 روزہ مشترکہ انسداد دہشت گردی مشق ’’دوستی ٹو‘‘ کامیابی سے مکمل ہوگئی۔
پاک فوج کے شعبہ تعلقات عامہ ( آئی ایس پی آر ) کے مطابق مشق تاجکستان کے فخربود بیس پر منعقد ہوئی جس میں پاکستان آرمی کی لائٹ کمانڈو بٹالین اور دو کمبیٹ ٹیموں نے شرکت کی جبکہ تاجکستان کی اسپیشل فورسز کی چار کمبیٹ ٹیموں نے حصہ لیا۔
مشق کے دوران تمام تربیتی اور فوجی سفارت کاری کے مقاصد کامیابی سے حاصل کیے گئے۔
اختتامی تقریب میں پاکستان کے کرنل معظم ظفر نے بطور مہمان خصوصی شرکت کی جبکہ تاجکستان کے اعلیٰ فوجی حکام بھی موجود تھے۔
دونوں ممالک کے فوجیوں نے اعلیٰ پیشہ ورانہ مہارت کا مظاہرہ کیا۔
’’دوستی ٹو‘‘ مشق کا مقصد دونوں ممالک کے عسکری تعلقات کو مضبوط بنانا اور انسداد دہشت گردی کی کارروائیوں میں تکنیک کو بہتر کرنا تھا۔
