ہونڈا نے اپنی نئی موٹر سائیکل سی جی 150 متعارف کروانے کے بعد حسبِ روایت اپنی 70cc موٹر سائیکلوں، CD70 اور CD70 ڈریم، کے "نئے" ماڈل بھی متعارف کرا دیے ہیں جن میں صرف اسٹیکرز کی تبدیلی کی گئی ہے۔
CD70 2026 ماڈل کے نئے اسٹیکرز:
اس بار CD70 کے اسٹیکرز نیلے رنگ کی جھلک لیے ہوئے ہیں، جو 2019 کے ڈیزائن کی یاد دلاتے ہیں۔ پچھلے سال کے زرد رنگ پر مبنی اسٹیکرز کے برعکس، 2026 ماڈل میں نیلا رنگ غالب ہے، جبکہ زرد رنگ کو نسبتاً پیچھے رکھا گیا ہے۔
کمپنی کی جانب سے موٹر سائیکل کی قیمت میں کئی تبدیلی نہیں کی گئی ہے یہ پرانی قیمت ایک لاکھ 59 ہزار900 روپے میں ہی دستیاب ہو گی ۔
CD70 ڈریم:
CD70 ڈریم نے بھی اسٹیکر کی تبدیلی کی روایت برقرار رکھی ہے۔ اس بار سفید اور نیلے رنگ کا امتزاج استعمال کیا گیا ہے، جبکہ "CD"کی لفاظی اب ہلکے نیلے رنگ کے آؤٹ لائن کے ساتھ نمایاں کی گئی ہے، جو گزشتہ سال کے زرد رنگ سے مختلف ہے۔
موٹر سائیکل کے دیگر تمام فیچرز اور تکنیکی پہلو جوں کے توں ہیں، یعنی کوئی نئی ٹیکنالوجی یا بہتری متعارف نہیں کرائی گئی۔
سی ڈی 70 ڈریم کی قیمت میں بھی کوئی تبدیلی نہیں کی گئی جو کہ ایک لاکھ 70 ہزار 900 روپے ہے ۔
پاکستان کی سب سے بڑی موٹر سائیکل ساز کمپنی اٹلس ہونڈا نے اپنی نئی CG150 موٹر سائیکل متعارف کرا دی ہے، جو 1500cc OHC انجن، بیلینسر شافٹ، ریٹرو 90 کی دہائی کے کیفے اسٹائل اور جدید فیچرز جیسے CBS بریکس، LED ہیڈلائٹس اور فرنٹ ڈسک بریکس کے ساتھ آئی ہے۔
