وزیراعلیٰ پنجاب مریم نواز نے حافظ آباد اور پنڈی بھٹیاں میں بارشوں اور سیلاب سے متاثرہ خاندانوں کے لیے فی خاندان 10 لاکھ روپے کی مالی امداد دینے کا فیصلہ کیا ہے۔
ہفتہ کو سینئر صوبائی وزیر مریم اورنگزیب نے پنڈی بھٹیاں اور حافظ آباد کا دورہ کرتے ہوئے متاثرین سے ملاقات کے دوران وزیراعلیٰ کی جانب سے اس امدادی پیکج کا اعلان کیا۔
اس موقع پر مسلم لیگ (ن) کی مرکزی رہنما اور رکن پنجاب اسمبلی سائرہ افضل تارڑ بھی موجود تھیں۔
مریم اورنگزیب نے بتایا کہ وزیراعلیٰ پنجاب کے حکم پر جلد ہی متاثرین میں امدادی چیک تقسیم کیے جائیں گے تاکہ ان کی بحالی اور مشکلات میں کمی لائی جا سکے۔
اعلان کے بعد متاثرین نے وزیراعلیٰ مریم نواز کے حق میں "زندہ باد" کے نعرے لگائے اور امدادی پیکج پر شکریہ ادا کیا۔
