بھارت کے معروف مزاحیہ اداکار المعروف فش وینکٹ 53 سال کی عمر میں دنیا سے رخصت ہو گئے ہیں۔
تفصیلات کے مطابق بھارت کی تیلگو فلم انڈسٹری کے اداکار منگالم پالی وینکٹیش گردوں کے عارضے میں مبتلا تھا اور ان کے گردے مکمل طور پر کام چھوڑ چکے تھے ، وہ کئی روز سے حیدرآباد کے مقامی ہسپتال میں وینٹی لیٹر پر تھے تاہم گزشتہ روز وہ انتقال کر گئے۔
انہوں نے فلمی کیرئیر کا آغاز 2000 میں کیا اور کئی سپرہٹ فلموں میں بطور ولن و کامیڈین اداکاری کے جوہر دکھائے۔رپورٹس کے مطابق گزشتہ دنوں اداکار پربھاس سے منسوب جعلی فون کال پر ان کی فیملی کو گردوں کی پیوندکاری کیلئے 50 لاکھ بھارتی روپے دینے کا اعلان کیا گیا تھا۔
