پاکستان نے بھارت کی جانب سے سندھ طاس معاہدے سے متعلق بے بنیاد دعووں کو سختی سے مسترد کرتے ہوئے کہا ہے کہ معاہدے کی بحالی یا اس سلسلے میں کسی قسم کی درخواست بھارت کو نہیں بھیجی گئی۔
تفصیلات کے مطابق بھارتی میڈیا نے یہ جھوٹا دعویٰ کیا کہ پاکستان نے سندھ طاس معاہدہ دوبارہ بحال کرنے کے لیے بھارت کو چار خطوط ارسال کیے ہیں۔ اس جھوٹے دعوے پر پاکستان کی وزارت آبی وسائل نے فوری ردعمل دیتے ہوئے اسے من گھڑت اور گمراہ کن قرار دیا۔
ذرائع وزارت آبی وسائل کا کہنا ہے کہ پاکستان نے بھارت کو معاہدے کی بحالی کے لیے نہ تو کوئی خط لکھا ہے اور نہ ہی اس حوالے سے کوئی درخواست کی گئی ہے۔ بھارتی میڈیا کی جانب سے مسلسل جھوٹے اور منفی پراپیگنڈے کی فیکٹریاں چلائی جا رہی ہیں ۔
پاکستان کی جانب سے بھارت کو دندان شکن جواب دیا گیا اور اب سفارتی محاذ پر بھی بڑی کامیابیاں جاری ہیں ۔
