موجودہ مالی سال کے دوران آئی ٹی برآمدات میں 21 فیصد سے زائد اضافہ ہوا ہے۔
وزارت انفارمیشن ٹیکنالوجی نے سینیٹ کی قائمہ کمیٹی برائے آئی ٹی کو تحریری تفصیلات پیش کر دیں۔ رپورٹ میں بتایا گیا کہ پاکستان میں آئی ٹی کمپنیوں کی رجسٹریشن میں 19 فیصد جبکہ آئی ٹی برآمدات میں 21 فیصد اضافہ ہوا ہے۔
جولائی سے اپریل تک آئی ٹی برآمدات 3 ارب 14 کروڑ ڈالر سے زائد رہیں۔ وزارت آئی ٹی کے مطابق اس دوران پاکستان میں آئی ٹی کمپنیوں کی رجسٹریشن میں 19 فیصد اضافہ ہوا۔ سافٹ ویئر ایکسپورٹ بورڈ کے ساتھ رجسٹرڈ کمپنیوں کی تعداد 20 ہزار سے تجاوز کر گئی۔
ترجمان وزارت آئی ٹی کا کہنا ہے کہ پاکستان کی آئی ٹی انڈسٹری کی برآمدات تمام خدمات میں سب سے زیادہ ہیں۔ پاکستان کو ڈیجیٹل خدمات کے شعبے میں ابھرتا ہوا مرکز بنا رہے ہیں۔
