وفاقی وزیر مواصلات عبدالعلیم خان نے لاہور قلندرز کو پاکستان سپر لیگ (پی ایس ایل) میں کامیابی پر مبارکباد دی ہے۔
اپنے پیغام میں عبدالعلیم خان کا کہنا تھا کہ لاہور قلندرز کی پر فارمنس نے شائقین کے دل جیت لیے۔ کامیابی کے ساتھ سیریز کے مکمل ہونے سے ملکی وقارمیں اضافہ ہوا۔ پاکستان سپرلیگ میں اہل وطن کو شاندارکھیل دیکھنے کو ملا۔
وفاقی وزیر عبدالعلیم خان کا مزید کہنا تھا کہ پاکستان آئندہ بھی دیگر ممالک کی ایسے ہی میزبانی کرے گا۔ غیرملکی کھلاڑیوں کا شکریہ، بحیثیت پاکستانی تمام ٹیموں کے ساتھ ہیں۔ تہنیتی ٹویٹ میں کہا کہ 'لاہور لاہور اے' ۔ پاکستان ہمیشہ زندہ باد، پاک فوج پائندہ باد۔
واضح رہے کہ گزشتہ شب لاہور قلندرز نے فائنل میں کوئٹہ گلیڈی ایٹرز کو 6 وکٹوں سے شکست دے کر پاکستان سپر لیگ ( پی ایس ایل ) 10 کا ٹائٹل جیت لیا۔
کوئٹہ گلیڈی ایٹرز کی جانب سے دیا گیا 202 رنز کا ہدف لاہور قلندرز نے 4 وکٹوں کے نقصان پر آخری اوور میں حاصل کرکے 4 سال میں تیسرا ٹائٹل اپنے نام کیا۔
