برطانوی حکومت نے صہیونی حکومت کے ساتھ نئے آزاد تجارتی مذاکرات معطل کردیئے۔
وزیرخارجہ ڈیوڈ لیمی نے پارلیمنٹ کو بتایا غزہ کی مسلسل ناکہ بندی اور امداد کی ترسیل روکنے پر اسرائیل کے ساتھ نئے فری ٹریڈ مذاکرات معطل کیے۔ اسرائیلی سفیر کو بلاکر احتجاج بھی کیا۔
برطانوی وزیرخارجہ نے کہا کہ غزہ میں لاکھوں شہریوں پر بھوک کا خطرہ منڈلا رہا ہے جو مکروہ عمل ہے، کہا مغربی کنارے کے یہودی آباد کاروں پر پابندیاں لگارہے ہیں۔ غزہ کی ناکہ بندی ختم نہ کی تو مزید کارروائی بھی کریں گے۔
دوسری جانب یورپی یونین نے اسرائیل سے تجارتی تعلقات پر نظر ثانی کا فیصلہ کرلیا۔ اسرائیل سے تجارتی تعلقات پر نظر ثانی کا فیصلہ یورپی یونین کے برسلز میں ہونے والے اجلاس میں کیا گیا۔ اسرائیل سے تجارتی تعلقات اور معاہدوں پر نظرثانی کی قرارداد نیدرلینڈز نے پیش کی۔
غزہ میں اسرائیلی جارحیت پر 17 یورپی وزارئے خارجہ کی نظرثانی درخواست کی حمایت کی۔ 20 یورپی ممالک نے مغربی کنارے میں پرتشدد آباد کاروں پر پابندی کی حمایت کی۔
