ترکیہ کے صدر رجب طیب اردوان نے اعلان کیا ہے کہ انقرہ نے بحیرہ اسود میں قدرتی گیس کا نیا ذخیرہ دریافت کر لیا۔
خبر رساں ادارے کے رپورٹ کے مطابق رجب طیب اردوان نے کہا کہ قدرتی گیس کا ذخیرہ 3 سال سے زائد عرصے تک مقامی ضرورت کو پورا کرنے کیلیے کافی ہے۔
ترکیہ صدر نے کہا کہ ہم نے 75 بلین کیوبک میٹر میں قدرتی گیس دریافت کی ہے جس کی مالیت تقریباً 30 بلین ڈالر ہے، گوکٹیپ-3 کنویں پر کام 27 مارچ 2025 کو ہمارے ساتویں جنریشن کے ڈرلنگ جہاز عبدالحمید ہان کے ساتھ شروع ہوا تھا جو اختتام کو پہنچا۔
ان کا کہنا تھا کہ ہم بغیر رکے، بغیر آرام کیے اور تنقید و رکاوٹوں پر دھیان دیے بغیر اپنا کام اُس وقت تک جاری رکھیں گے جب تک کہ ہم مکمل توانائی سے خود مختار ملک کے ہدف تک نہیں پہنچ جاتے۔
