سعودی وزارت داخلہ نے حج قوانین کی خلاف ورزیوں پر سخت سزاؤں اور جرمانوں کا اعلان کردیا۔
سعودی وزارت داخلہ کے مطابق بغیر اجازت حج کی کوشش پر 20 ہزار ریال تک جرمانہ ہوگا، حج کے دوران وزٹ ویزے کے ساتھ داخل ہونے پر بھی 20 ہزار ریال تک جرمانہ ہوگا۔
وزٹ ویزہ ہولڈر کو ٹرانسپورٹ یا مدد فراہم کرنے والے پر ایک لاکھ ریال تک جرمانہ عائد ہوگا۔ غیر مجاز زائرین کو رہائش فراہم کرنے پر بھی ایک لاکھ ریال تک جرمانہ ہوگا۔
قوانین کی خلاف ورزی کرنے والوں اور سہولت کاروں کو ڈی پورٹ کیا جائے گا، سزا یافتہ افراد کے 10 سال تک سعودی عرب میں داخلے پر پابندی بھی عائد ہوگی، قوانین اور سزائوں کا اطلاق یکم ذی القعدہ سے 14 ذوالحجہ تک ہوگا۔
