چیئرمین سینیٹ سید یوسف رضا گیلانی کی جانب سے مقبوضہ کشمیر میں پہلگام واقعے کی شدید الفاظ میں مذمت کی گئی ہے۔
سید یوسف رضا گیلانی نے کہا کہ اس دلخراش واقعہ میں جانی نقصان پر گہرے دکھ اور افسوس کا اظہار کیا تاہم بھارت کے سندھ طاس معاہدے کی یکطرفہ معطلی کے اقدام کو سختی سے مسترد کر دیا۔
ایک بیان میں چیئرمین سینیٹ کا کہنا تھا پہلگام واقعہ کےبعد بھارت کی جانب سے پاکستان پر لگائےگئےالزامات جھوٹ کا پلندہ اور بدنیتی پر مبنی ہیں ۔ بھارتی الزام تراشی کا مقصد مقبوضہ کشمیر میں جاری مظالم سے عالمی توجہ ہٹانا ہے۔
چیئرمین سینیٹ کا کہنا تھا کہ بھارت کی جانب سے سندھ طاس معاہدے کی معطلی قابل مذمت فعل ہے۔ عالمی برادری کو بھارت کے ان ہتھکنڈوں کا نوٹس لینا چاہیے ۔ بھارتی اقدامات سے ناصرف علاقائی استحکام متاثر ہو رہا ہے بلکہ عالمی امن بھی خطرے میں پڑ سکتا ہے ۔
