پاک فوج کی جانب سے تیراہ ایجوکیشن کمپلیکس میں تین سائنس لیبارٹریز کا افتتاح کر دیا گیا۔
پاکستان کے وہ علاقے جو کبھی دہشتگردی کی نظر ہو گئے تھے، وہاں آج جدید علوم کا راج ہے، پاک فوج اور فرنٹیئر کور نارتھ کے باہمی اشتراک سے تیراہ ایجوکیشن کمپلیکس میں طلباء کے تعلیمی قابلیت کو تقویت دینے کے لئے تین جدید سائنس لیبارٹریز کا افتتاح کر دیا گیا ہے۔
2019 میں قائم کئے گئے تیراہ ایجوکیشن کمپلیکس میں طلباء کے لئے جدید تعلیمی وسائل کی کمی تھی، اس اہم ضرورت کو پورا کرنے کے لیے پاک فوج اور فرنٹیئر کور نارتھ نے فزکس، کیمسٹری اور بیالوجی کی جدید ترین لیبارٹریوں کی تعمیر کا بیڑا اٹھایا، جن میں سے ہر ایک تمام مطلوبہ سہولیات سے آراستہ ہے تاکہ طلباء کو سیکھنے اور تجربہ کرنے میں آسانی ہو۔
طلباء نے نئی سہولیات کی فراہمی پر اظہار تشکر کیا اور کہا کہ ان کے تعلیمی سفر پر اس کے مثبت اثرات مرتب ہوں گے۔
تازہ ترین خبروں اور تجزیوں کیلئے دیکھتے رہیں سماء نیوز لائیو
