وفاقی وزیر برائے مذہبی امور و بین المذاہب ہم آہنگی سردار محمد یوسف نے کہا کہ 29 اپریل سے ممکنہ طور پر فلائٹ آپریشن شروع ہوجائیں گے، سرکاری اسکیم کے تحت 90 ہزار پاکستانی فریضہ حج ادا کریں گے، عازمین حج کی سہولیات کیلئے سعودی ہم منصب سے اہم ملاقات ہوئی، حجاج کی ویکسینیشن سمیت دیگر اقدامات کئے جارہے ہیں، شارٹ ٹرم 11 لاکھ 50 ہزار جبکہ لانگ ٹرم 10 لاکھ 50 ہزار روپے ہوگا۔
وفاقی وزیر برائے مذہبی امور و ہم آہنگی سردار محمد یوسف نے حج تیاریوں سے متعلق حاجی کیمپ لاہور میں پریس کانفرنس کی، انہوں نے بتایا کہ انتیس اپریل سے ممکنہ طور پر فلائٹ آپریشن شروع ہوجائیں گے، سعودی عرب کے حج کے وزیر سے ملاقات ہوئی، 8 اپریل سے حج کیلئے ٹریننگ سیشن شروع ہونے جارہا ہے۔
ان کا کہنا ہے کہ ویکسینیشن سے متعلق حجاج کو بتا رہے ہیں، سرکاری حج کے تحت 90 ہزار حاجی سعودی عرب جائیں گے، شارٹ ٹرم 11 لاکھ 50 ہزار جبکہ لانگ ٹرم 10 لاکھ 50 ہزار روپے ہوگا۔
سردار محمد یوسف نے کہا کہ بھیک کے معاملے میں جو بھی ڈی پورٹ ہوا، سخت کارروائی کی گئی، حج سے قبل عمرہ ویزا بند کردیئے جاتے ہیں۔
