سپریم کورٹ نے 9 مئی مقدمات میں ملزمان کی ضمانت منسوخی کی اپیلوں پر سماعت سات اور آٹھ اپریل کو مقرر کی گئی ہے۔
چیف جسٹس یحییٰ آفریدی کی سربراہی میں 3 رکنی بینچ تمام سماعتیں کرے گا۔ بینچ میں جسٹس شفیع صدیقی اور جسٹس شکیل احمد بھی شامل ہوں گے۔
جی ایچ کیو حملہ کیس میں پنجاب حکومت کی اپیل پر سماعت سات اپریل کو ہوگی، عالیہ حمزہ اور خدیجہ شاہ سمیت 20 ملزمان کیخلاف اپیلوں کی سماعت آٹھ اپریل کو مقرر کی گئی ہے۔
واضح رہے کہ پنجاب حکومت نے 9 مئی ملزمان کی ضمانتیں منسوخ کرنے کے لیے عدالت سے رجوع کر رکھا ہے۔
