پاکستان اور چین نے کلاؤڈ کمپیوٹنگ اور مصنوعی ذہانت میں باہمی تعاون پر اتفاق کرلیا۔
اسلام آباد میں وفاقی وزیر آئی ٹی شزا فاطمہ سے چینی سفیر جیانگ زی ڈونگ نے ملاقات کرکے دو طرفہ ای گورننس اورڈیجیٹل تعاون کے فروغ پر تبادلہ خیال کیا ۔
ملاقات میں پاک چین ٹیکنالوجی اور ڈیجیٹل معیشت میں تعاون پر اتفاق کیا گیا۔ وزیر آئی ٹی نے کہا ڈیجیٹل ٹرانسفارمیشن میں چین کے تجربات سے استفادہ کیا جائے گا، ملاقات میں پاکستانی طلبا کیلئےچین میں مصنوعی ذہانت اور ڈیٹا سائنس کے ڈگری پروگرامز، آئی سی ٹی، اے آئی اور ڈیجیٹل گورننس میں تربیتی تعاون پر بھی بات چیت کی گئی ۔
