بالی ووڈ کے سپر سٹار عامر خان آج اپنی 60 ویں سالگرہ منا رہے ہیں، اپنی سالگرہ کے موقع پر انہوں نے گوری کیساتھ تعلقات کی تصدیق کی ہے۔
عامر خان نے گوری کے ساتھ اپنے تعلق کو واضح کر تے ہوئے بتایا کہ’ گوری اور میری 25 سال قبل ملاقات ہوئی تھی، اب ہم پارٹنر ہیں، ہم ایک دوسرے کے لیے کافی سنجیدہ ہیں اور ڈیڑھ سال سے ساتھ ہیں‘۔
اداکار سے شادی کا سوال کیا گیا جس پر انہوں نے ہنستے ہوئے جواب دیا کہ ابھی ایسا کوئی منصوبہ نہیں ہے،پہلے 2 بار شادی کی ہے لیکن مجھے ایسا لگتا ہے کہ 60 سال کی عمر میں شادی کرنا مجھے شوبہ نہیں دیتا۔
بھارتی میڈیا کے مطابق گوری عامر کے پروڈکشن ہاؤس کے بینر تلے کام کرتی ہیں، وہ بنگلورو میں رہتی ہیں اور ان کا 6 سال کا بیٹا بھی ہے جب کہ گوری کے والد آئرش اور والدہ تمل ہیں۔
یاد رہے کہ عامر نے پہلی شادی فلم پروڈیوسر رینا دتہ سے کی تھی جن سے ان کے 2 بچے جنید اور ایرا خان ہیں،جبکہ دوسری بیوی،ہدایت کار کرن راؤ ہیں جن سے انکی 2005 میں شادی ہوئی اور دونوں کے درمیان 2021 میں علیحدگی ہوئی،کرن راؤ سے عامر کا بیٹا آزاد ہے۔
