97آسکرایوارڈز کی تقریب لاس اینجلس میں جاری ہے،فلم اے ریئل پین کے اداکار کیرن کلکن نے بہترین معاون اداکار کا ایوارڈ اپنے نام کرلیا ہے۔
97 ویں آسکر ایوارڈز کی تقریب اتوار کو امریکی شہر لاس ینجلس کے ڈولبی تھیٹر میں منعقد ہوئی۔آسکرز کی 23 مختلف کیٹیگریز کے لیے ہونے والےمقابلوں میں 5 کیٹیگریز میں فلم ’انورا‘ 3 کیٹیگریز میں فلم ’دی بروٹلسٹ‘ جبکہ فلم ’وکڈ، امیلیا پیرز‘ اور فلم ’ڈیون پارٹ ٹو‘ نے 2، 2 کیٹیگریز میں ایوارڈز اپنے نام کیے۔
97 ویں فلمی میلےمیں بہترین اینیمیٹڈ شارٹ فلم ان دی شیڈو آف دی سائپریس میں کامیاب رہی، بہترین کاسٹیوم ڈیزائنر کا ایوارڈ فلم وِکڈ نے اپنے نام کرلیا،بہترین ایڈاپٹڈ اسکرین پلے میں فلم کانکلیو کامیاب رہی۔
بہترین میک اپ اور ہیئر اسٹائلنگ میں فلم دی سبسٹنس نے میدان مار لیا،بہترین معاون اداکارہ کا ایوارڈ زوئی سلڈانا نے فلم ایمیلیا پیریز میں اپنے نام کیا۔بہترین ہدایت کاری کا ایوارڈ فلم ’انورا‘ کے ہدایت کار سین بیکر کو ملا۔
