ایس سی او کی جانب سے آزاد کشمیر اور گلگت بلتستان کے نوجوانوں کے لیے جدید ڈیجیٹل سہولیات فراہم کرنے کا سلسلہ جاری ہے۔ خدمت خلق کی روایت کو برقرار رکھتے ہوئے ایس سی او کا نکیال میں فری لانسنگ ہب قائم کردیا۔
ایس سی او ویژن 2025 کے تحت جو کہ آزاد کشمیر اور گلگت بلتستان میں 2 سال میں 100 آئی ٹی سینٹرز کے قیام کا عزم رکھتا ہے،فری لانسنگ ہب نکیال 16 ماہ میں قائم ہونے والا 61 آئی ٹی سینٹر ہے۔
نکیال میں قائم فری لانسنگ ہب نوجوانوں کو آئی ٹی اور ڈیجیٹل مہارتوں میں خود کفیل بنانے کے لیے ایک اہم قدم ہے۔ یہ جدید ترین فری لانسنگ ہب مقامی نوجوانوں کے لیے روزگار کے نئے مواقع پیدا کرے گا۔
نوجوانوں کو گرافک ڈیزائن، ڈیجیٹل مارکیٹنگ، مواد تخلیق اور ای کامرس جیسے شعبوں میں تربیت دی جا رہی ہے۔ ایس سی او کی جانب سے فری لانسنگ ہب میں تیز رفتار انٹرنیٹ، جدید کمپیوٹنگ سہولیات اور تربیتی ورکشاپس کی فراہمی نوجوانوں کو عالمی ڈیجیٹل مارکیٹ سے جوڑنے میں مددگار ثابت ہوگا۔
