کراچی سمیت سندھ بھر کے سرکاری اداروں میں سوشل میڈیا کے غیر ضروری استعمال پر پابندی عائد کردی گئی۔
سرکاری افسران اور ملازمین دوران ڈیوٹی موبائل ویڈیو نہیں بنا سکتے ۔ وزیراعلیٰ سندھ نے احکامات جاری کردیئے۔ نوٹی فکیشن بھی جاری کردیا گیا۔
نوٹی فکیشن کے مطابق سوشل میڈیا پرسرکاری ذمے داریوں کی نمائش پر افسران اوراہلکار کے خلاف ایکشن ہوگا، وزیراعلی سندھ مرادعلی شاہ نے چیف سیکریٹری اورآئی جی سندھ کو خط لکھ دیا۔ احکامات نہ ماننے والے ملازمین کے خلاف سخت ایکشن کا فیصلہ کرلیا گیا۔
اعلامیے کے مطابق افسران سرکاری دفاتر،گاڑیوں، یونیفارم میں تصاویراپ لوڈکرتے ہیں، افسران وملازمین اس طرح کے طرز عمل سے باز رہیں، خلاف ورزی پر محکمہ جاتی کارروائی کی جائے۔
افسران واہلکاروں پر ذاتی سوشل میڈیا اکاؤنٹ سے سرکاری امور کی تشہیر پر پابندی ہوگی جبکہ سرکاری گاڑیوں، یونیفارم، دفاترکی سوشل میڈیا پر پوسٹنگ ضابطہ اخلاق کے خلاف قرار دیدی گئی۔
