پیٹرولیم مصنوعات کی قیمتوں میں اضافے پر پاکستان ریلویز نے مسافر ٹرینوں کے کرائے میں 5 فیصد اضافہ کردیا۔
پاکستان ریلویز نے پیٹرولیم مصنوعات کی قیمتوں میں اضافے پر مسافروں ٹرینوں کا کرایہ بڑھادیا، کرایوں میں 5 فیصد اضافہ کیا گیا ہے، جس کا نوٹیفکیشن بھی جاری کردیا گیا۔
نوٹیفکیشن کے مطابق مسافر ٹرینوں کے کرایوں میں اضافے کا اطلاق 5 فروری (بدھ) سے ہوگاْ
نوٹیفکیشن میں بتایا گیا ہے کہ ٹرین کی تمام کلاسز کے ٹکٹ میں 5 فیصد اضافہ کیا گیا ہے، کرایوں میں اضافے کا اطلاق سلون سروس پر بھی ہوگا۔
نوٹیفکیشن کے مطابق مسافر ٹرینوں کے کرایوں میں اضافے کا اطلاق تمام آؤٹ سورس ٹرینوں پر بھی ہوگا۔
