پاکستان ٹیلی ویژن کی معروف اداکارہ ہانیہ عامر پاکستان شوبز انڈسٹری کی خوبصورت ترین اداکاراؤں میں سے ایک ہیں، جن کا خوبصورت چہرا اور خاص طور پر ڈمپل مداحوں کو بھاتے ہیں۔
حال ہی میں ایک معروف ڈرماٹولوجسٹ ڈاکٹر اریج خالد نے نجی ٹی وی کے مارننگ شو میں پاکستانی اداکاراؤں کی جانب سے اپنی خوبصورتی کو بڑھانے کیلئے پلاسٹک سرجریز کا سہارا لینے کے حوالے سے گفتگو کی۔
ڈاکٹر اریج خالد نے معروف اداکارہ ہانیہ عامر کے چہرے کی پلاسٹک سرجریز کا بھی ذکر کیا۔ انہوں نے کہا کہ ہانیہ عامر کے گالوں پر پڑنے والے ڈمپل پلاسٹک سرجری کی وجہ سے ہیں۔
ان کا مزید کہنا ہے کہ ہانیہ عامر نے ناک کی سرجری بھی کرائی ہے، اس کے علاوہ ان کی ہونٹوں اور ٹھوڑی کی سرجری بھی کی گئی ہے۔
ڈاکٹر اریج خالد نے مزید کہا کہ گالوں کو لفٹ کرنے کے ساتھ ساتھ آئی برو میں بھی تبدیلی کی گئی ہے لیکن ہانیہ عامر کا رنگ قدرتی طور پر گورا ہے اور وہ بہت خوبصورت اداکارہ ہیں۔
