سپریم کورٹ میں ججزتعیناتی کیلئےجوڈیشل کمیشن کا 11 فروری کا اجلاس رکوانے کیلئےمتفرق درخواست دائر کر دی گئی۔
متفرق درخواست لاہورہائیکورٹ بارکی جانب سےدائرکی گئی،درخواست میں موقف اختیارکیاگیا کہ 26 آئینی ترمیم کیس میں عدالت فریقین کونوٹس جاری کرچکی، 26ویں ترمیم سماعت کے بعد سپریم کورٹ میں ججز تعیناتی کیلئےجوڈیشل کمیشن اجلاس بلایا گیا۔
درخواست میں کہاگیاکہ عام تاثر ہےکہ"کورٹ پیکنگ"کیلئےجوڈیشل کمیشن کا اجلاس بلایاگیا ہےتاثر ہے 26ویں ترمیم کے بعدسپریم کورٹ میں تعینات ہونےوالےججز آزاد نہیں ہوں گے،جوڈیشل کمیشن کا اجلاس مؤخرکرنے کا حکم دیا جائے۔
خیال رہے کہ سپریم کورٹ میں نئے ججز کی تعیناتی کیلئے جوڈیشل کمیشن کا اجلاس گیارہ فروری کو طلب کیا گیا تھا،چیف جسٹس یحییٰ آفریدی کی زیر صدارت جوڈیشل کمیشن کا اجلاس دوپہر 2 بجے ہوگا،جس میں عدالت عظمیٰ میں 8 نئے ججز کی تعیناتی پر غور کیا جائے گا۔جوڈیشل کمیشن کے اجلاس میں پانچوں ہائیکورٹس سے 5، 5 سینئر ججز کے ناموں پر غور کیا جائے گا۔
