وزیراعظم شہباز شریف سے وزیرداخلہ محسن نقوی نے ملاقات کی ہے۔ دورہ امریکا میں ملاقاتوں سے متعلق آگاہ کیا۔
ملاقات کے دوران وزیر داخلہ محسن نقوی نے وزیراعظم کو اپنے حالیہ دورہ امریکا میں ہونے والی ملاقاتوں کے حوالے سے آگاہ کیا۔ اسلام آباد میں ترقیاتی کاموں پر پیشرفت اور امن و امان کی صورتحال پر بھی بریفنگ دی
وزیرِاعظم شہباز شریف کو چیمپئنز ٹرافی کے انعقاد کی تیاریوں پر بھی بریفنگ دی گئی۔ وزیراعظم نے چیئرمین پی سی بی سمیت ان کی پوری ٹیم کی کاوشوں کو سراہا۔
محسن نقوی نے اسلام آباد میں جاری ترقیاتی منصوبوں پر پیشرفت کے حوالے سے بھی تفصیلات پیش کیں۔ وزیرداخلہ نے انسانی اسمگلنگ میں ملوث گروہوں کے خلاف جاری آپریشنز اور ملک میں امن و امان کی مجموعی صورتحال پر بھی وزیراعظم کو بریفنگ دی۔
