چین کا سب سے بڑا آن لائن اسٹور چلانے والی کمپنی علی بابا گروپ نے بھی اپنا اے آئی ماڈل ’ کوین ٹو پوائنٹ فائیو میکس ’ ریلیز کردیا۔
مصنوعی ذہانت کی چینی اسٹارٹ اپ کمپنی ڈیپ سیک کی ناقابل یقین کامیابی کے بعد چینی کمپیوں میں اے آئی میں آگے نکلنے کا مقابلہ لگ گیا ہے اور علی بابا گروپ نے بھی اپنا اے آئی ماڈل کوین ٹو پوائنٹ فائیو میکس ریلیز کردیا ہے۔
علی بابا گروپ کا دعویٰ ہے کہ کوین میکس، ڈیپ سیک اور چیٹ جی پی ٹی سے زیادہ موثر ہے۔
علی بابا نے کوین میکس کو نئے چینی سال کے پہلے دن ریلیز کیا جب چین میں سرکاری چھٹی منائی جارہی ہے۔
غیر ملکی میڈیا کے مطابق چینی کمپنی بیدو اور بائٹ ڈانس بھی اپنا اے آئی ماڈل لانچ کرچکی ہیں۔
