پاکستانی ماڈل و اداکار دودی خان نے بھارت کی ماڈل و اداکارہ راکھی ساونت کو شادی کی پیش کش کردی۔
دودی خان نے انسٹاگرام پر مختصر ویڈیو پیغام جاری کرتے ہوئے بھارتی اداکارہ راکھی ساونت کو عمرے کی ادائیگی کی مبارکباد پیش کرتے ہوئے ان سے اظہار محبت بھی کیا۔
دودی خان نے اپنی ویڈیو میں راکھی ساونت کو مخاطب ہوتے ہوئے ان سے پوچھا کہ شادی کیلئے بارات کہاں لانی ہے؟، بارات متحدہ عرب امارات (یو اے ای) کی ریاست دبئی لانی ہے یا پھر بھارت؟۔
ویڈیو کے اختتام پر پاکستانی اداکار دودی خان نے بھارتی اداکارہ راکھی ساونت سے اظہار محبت بھی کیا۔
View this post on Instagram
راکھی ساونت نے پیشکش قبول کرلی
پاکستانی اداکار دودی خان کی جانب سے شادی کی پیشکش پر بھارتی اداکارہ راکھی ساونت نے بھی جواب دیتے ہوئے ان کی پیشکش قبول کرلی۔
راکھی ساونت نے بھارتی میڈیا کو جاری کیے گئے اپنے آڈیو پیغام میں بتایا کہ انہیں پاکستانی اداکار اور پولیس افسر دودی خان نے شادی کی پیشکش کی ہے۔
راکھی نے پاکستان سے شادی کی پیش کش کو اپنے لیے اچھا رشتہ بھی قرار دیا اور ساتھ ہی یہ بھی کہا کہ وہ دودی خان سے شادی کریں گی۔
راکھی ساونت کا کہنا تھا کہ دودی خان اور ان کی شادی پاکستان میں اور اسلامی روایات کے مطابق ہوگی، ان کا ہنی مون یورپی ملک سوئٹزرلینڈ میں ہوگا جبکہ وہ مستقل بنیادوں پر دبئی میں ہی رہائش پذیر ہونگی۔
راکھی ساونت نے گزشتہ ہفتے دبئی میں یوٹیوبرز سے بات کرتے ہوئے کسی پاکستانی مرد سے شادی کی خواہش کا اظہار کیا تھا جبکہ وہ کچھ عرصہ قبل پاکستانی اداکارہ ہانیہ عامر، ڈانسر نرگس اور دیدار کو دیئے گئے ڈانس چیلنج کی وجہ سے خبروں میں بھی رہیں۔
