گلگت بلتستان کے ضلع ہنزہ میں منعقدہ قراقرم ونٹر لیوڈ سیزن7 آئس ہاکی فیسٹیول اختتام پذیر ہوگیا۔
ونٹر لیوڈ سیزن 7 میں سرمائی کھیلوں، ثقافتی تقریبات، اور کمیونٹی جشن کا رنگا رنگ امتزاج پیش کیا گیا، ایونٹ میں مختلف علاقوں سے تعلق رکھنے والے بچوں اور بچیوں نے شاندار کارکردگی کا مظاہرہ کیا۔
اختتامی تقریب کے مہمان خصوصی ڈائریکٹر جنرل ایس سی او تھے، انہوں نے کہا کہ گلگت بلتستان زندہ دل جفاکش مہمان نواز اور ملٹی ٹیلنٹڈ یوتھ کی سرزمین ہے۔
اختتامی تقریب میں مہمان خصوصی نے جیتنے والی ٹیموں میں ٹرافی اور نقد انعامات تقسیم کیے، رنرز اپ اور فائنل میں نمایاں کارکردگی کا مظاہرہ کرنے والے کھلاڑیوں میں شیلڈز کے علاوہ نقد انعامات بھی تقسیم کیے گئے۔
