پاکستانی اداکارہ و ماڈل ایمن سلیم بیٹے کی ماں بن گئیں، انہوں نے بچے کی ولادت کے ڈیڑھ ماہ بعد مداحوں کو خوشخبری سنائی۔
معروف پاکستانی اداکارہ و ماڈل ایمن سلیم نے اپنے انسٹاگرام اکاؤنٹ پر نومولود کے پیروں کی تصویر اور ایک خوبصورت پوسٹ شیئر کرتے ہوئے مداحوں کو بچے کی پیدائش کی اطلاع دی، وہ اس وقت لندن میں ہیں۔
View this post on Instagram
اداکارہ نے اپنی سوشل میڈیا پوسٹ میں لکھا کہ ’’دو لوگوں کی پارٹی سے 3 افراد کا خاندان بننے تک، ہمارے بچے کے ساتھ گزشتہ 6 ہفتے ایک معجزہ رہے‘‘۔
اداکارہ نے اپنی پوسٹ میں بیٹے کا نام کیحان ملک بتاتے ہوئے اسے دنیا میں خوش آمدید کہا ہے۔
ایمن سلیم نے 8 دسمبر کو پوسٹ کی گئی ایک ویڈیو میں اشارہ دیا تھا کہ ان کے ہاں بیٹے کی ولادت ہونے والی ہے، ویڈیو میں وہ ہلکے نیلے رنگ کے لباس میں ملبوس تھی، جس میں ایسی ہی ایک گاڑی اور بلون دکھائی دیئے۔
View this post on Instagram
یاد رہے کہ سابق کرکٹر سلیم یوسف کی صاحبزادی ایمن سلیم دسمبر 2023ء میں کامران ملک کے ساتھ رشتہ ازدواج میں منسلک ہوئی تھیں۔
