مسلم لیگ ( ن ) کے رہنما عابد شیر علی کا کہنا ہے کہ نوازشریف کے خوف سے پیپلز پارٹی کے دوستوں کا پیٹ خراب ہو چکا ہے جس کے باعث وہ اُلٹ پَلٹ بیان دے رہے ہیں۔
فیصل آباد میں سماء سے خصوصی گفتگو کرتے ہوئے لیگی رہنما عابد شیر علی کا کہنا تھا کہ وطن واپسی پر نوازشریف کا تاریخی استقبال ہوگا، ہمارے پاس کارکنوں کے لئے گاڑیاں کم پڑگئیں ہیں۔
عابد شیر علی کا کہنا تھا کہ ن لیگ بھرپور انداز میں انتخابی میدان میں اترے گی، پیپلزپارٹی سندھ میں الیکشن لڑے، پنجاب میں ان کے پاس امیدوار ہی نہیں ہوگا۔
لیگی رہنما کا مزید کہنا تھا کہ پی ڈی ایم نے سیاست نہیں ریاست کو بچایا ہے۔
