طلال چوہدری کا کہنا ہے کہ 9مئی والوں کو سزاؤں میں تاخیر ہوچکی ہے ہمارا آرمی ایکٹ عالمی قوانین کے مطابق ہے۔
پاکستان مسلم لیگ ن کے رہنما طلال چودھری کا کہنا ہے کہ دنیابھرمیں بہت سی سزائیں اپنےاپنےقوانین کےمطابق ہوتی ہیں،کوئی دہشتگردی کرتاہےتوانسداد دہشتگردی عدالت فیصلہ کرتی ہے،پی ٹی آئی کواعتراض ہےسزائیں فوجی عدالتوں سےنہیں دوسری عدالتوں سےہونی چاہئیں۔
لیگی رہنما کا مزید کہنا تھا کہ پی ٹی آئی یہ نہیں کہتی کہ9مئی والے بےگناہ ہیں، پی ٹی آئی کےسیکرٹری اطلاعات نے کہا اپیل کریں گےملزمان کومعاف کیاجائے،پی ٹی آئی کےسیکرٹری اطلاعات نےتسلیم کیاکہ ملزمان نےجرم کیاہے،سویلین کاملٹری ٹرائل عالمی قوانین کی خلاف ورزی نہیں۔
طلال چوہدری کا کہنا ہے کہ بیرون ملک لابسٹ پی ٹی آئی کی فنڈنگ سےچلتے ہیں،پی ٹی آئی کواپنے ماسٹرمائنڈ کو بچانا ہے،ماسٹرمائنڈ اڈیالہ جیل میں بیٹھا ہوا شخص ہے،سزائیں ہوتی رہیں گی،کسی قسم کااین آراونہیں ملےگا،بات چیت کا یہ مطلب نہیں کہ این آر او دیاجائے،9مئی والوں کو سزاؤں میں تاخیر ہوچکی ہے۔
