ضلعی انتظامیہ نے وفاقی دار الحکومت میں فضائی آلودگی سے نمٹنے کیلئے اہم فیصلہ کرتے ہوئے زہریلی گیسوں کے اخراج کو روکنے کیلئے دفعہ 144 کا نفاذ کر دیا ۔
تفصیلات کے مطابق دفعہ 144 کے تحت گاڑیوں، فیکٹریوں، اینٹوں کے بھٹوں سے زہریلی گیسوں کے اخراج ،کوڑا اور فصلیں جلانے پر پابندی عائد کر دی گئی ہے ۔ایڈیشنل ڈسٹرکٹ مجسٹریٹ اسلام آباد کی جانب سے احکامات جاری کر کیئے گئے ۔
نوٹیفکیشن میں کہا گیاہے کہ ضلعی انتطامیہ کے احکامات کا اطلاق فوری طورپر آئندہ 2 ماہ کیلئےہو گا۔ ضلعی انتظامیہ نے کہا کہ خلاف ورزی کی صورت میں سخت قانونی کاروائی کی جائے گی۔
انوائرمنٹل پروٹیکشن ایجنسی نے اسلام آباد میں بھی نومبر سے فروری تک اسموگ کا خدشہ ظاہر کیا تھا ، انوائرمنٹل پروٹیکشن ایجنسی نےاحتیاطی تدابیر کرنےکیلئے آج ہی ڈی سی اسلام آباد کو خط لکھا تھا۔
