پاکستان آرمی کی جانب سے ڈسٹرکٹ دادو میں فری میڈیکل کیمپ کا انعقاد کیا گیا۔
میڈیکل کیمپ واہی پنڈی،ڈسٹرکٹ دادو میں منعقد کیا گیا،کیمپ میں پاک آرمی کے ساتھ ڈسٹرکٹ ہیلتھ کوارٹرزدادو کےڈاکٹرز نےمقامی مریضوں کا علاج کیا،مختلف شعبہ امراض کےماہرڈاکٹروں میں گائنی، چائلڈ اسپیشلسٹ، میڈیکل اور پیتھالوجسٹ شامل تھے۔
میڈیکل کیمپ میں لیبارٹری ٹیسٹ بشمول ڈینگی،ملیریا، ہیپاٹائٹس بی اور سی، آنتوں کا بخار، حمل کے ٹیسٹ، یورن RE، بلڈ شوگر اور الٹرا ساؤنڈ کی سہولت میسر تھی
مریضوں کو بھی مفت ادویات، سپلیمنٹس اور طبی ھدایات مہیا کی گئیں،متعدد مریضوں کی ویکسینیشن کے ساتھ ساتھ حفظان صحت و ابتدائی طبی امدادی کٹس بھی فراہم کی گئیں
علاقہ مکینوں نے پاک فوج کے فری میڈیکل کیمپ کا خیر مقدم کیا اورمفت علاج و ٹیسٹس کی سہولیات مہیا کرنے پر شکریہ ادا کیا۔
