محکمہ موسمیات کی جانب سےڈینگی کےحوالے سے الرٹ جاری کردیا گیا، ستمبرمیں سامنے آنے والے ڈینگی کیسزاکتوبرمیں بڑھنےکا خدشہ ہے۔
ترجمان محکمہ صحت کا کہنا ہےکہ مون سون کے بعد ڈینگی مچھر میں واضح اضافہ ہوتا ہے،ملک کے دس بڑے شہروں میں ڈینگی بڑھنےکےخطرات زیادہ ہیں،کراچی،لاہور،اسلام آباد،راولپنڈی،فیصل آباد میں ڈینگی کیسزبڑھنےکا خدشہ ہے۔
سیالکوٹ،ملتان،حیدرآباد اور لاڑکانہ میں بھی ڈینگی کیسزبڑھنےکا خطرہ ہے،ڈینگی روک تھام کیلئے اسٹیک ہولڈرز،نیشنل ہیلتھ ایجنسی،ڈینگی کنٹرول سینٹرزکوفعال کردارادا کرنا ہوگا۔
محکمہ موسمیات کا کہنا ہے کہ گزشتہ 10 سال سے اس وبا نے شہریوں کی صحت کو متاثر کیا ہے،طلوع آفتاب کے 2 گھنٹے بعد اور غروب آفتاب سے 2 گھنٹے قبل ڈینگی کا خطرہ زیادہ ہوتا ہے،درجہ حرارت 16 ڈگری سے کم ہونے پر ڈینگی میں واضح کمی آتی ہے۔
