ویمنز ٹی 20 ورلڈکپ کیلئے میچ آفیشلز کا اعلان کردیا گیا، خواتین کے ورلڈکپ میں پہلی بار تمام امپائرز خواتین ہوں گی ۔
متحدہ عرب امارات ( یو اے ای ) میں 3 اکتوبر سے 20 اکتوبر تک شیڈول ویمنز ورلڈکپ کے لئے میچ آفیشلز کا اعلان کر دیا گیا ہے جس کے مطابق ایونٹ میں 10 امپائرز اور 3 میچ ریفریز شامل ہوں گی۔
آسٹریلیا کی کلیئر پولوسیک سب سے زیادہ پانچویں مرتبہ ورلڈکپ میں امپائرنگ کریں گی جبکہ نیوزی لینڈ کم کاٹن اور جمیکا کی جیکولین ولیمز چوتھی بار فرائض نبھائیں گی۔
سری لنکا کی نیمالی پریرا اور بھارت کی ورندہ راٹھی سمیت دس خواتین امپائرز شامل ہیں۔
جی ایس لکشمی، شاندری فریٹز اور مشیل پیریرا بطورمیچ ریفریزخدمات انجام دیں گی۔
