طیفی بٹ کے بہنوئی جاوید بٹ کو قتل کرنے والے شوٹر کو ساتھی سمیت گرفتار کرلیا گیا- آرگنائزڈ کرائم یونٹ ماڈل ٹاؤن نے ملزمان کو خیبرپختونخوا سے حراست میں لیا۔
پولیس کے مطابق جاوید بٹ کے قتل کی تفتیش میں کلوز سرکٹ فوٹیج کی مدد سے شوٹر کی نشاندہی اور شناخت عمل میں لائی گئی جس کے بعد گرفتاری کے لیے خیبرپختونخوا میں کارروائی کی گئی- طیفی بٹ کے بہنوئی جاوید بٹ کے قاتل شوٹر اظہر کو ساتھی سمیت گرفتار کیا گیا۔
ملزمان سے واردات میں استعمال ہونے والا رکشہ اور موٹر سائیکل بھی برآمد کرلی گئی- پولیس کا کہنا ہے کہ شوٹر اظہر سابقہ ریکارڈ یافتہ ہے- ملزم سے مزید تفتیش جاری ہے- جاوید بٹ کے قتل میں نامزد ملزمان ملوث ہیں یا کوئی تیسرا گروپ گینگ وار کو ہوا دے رہا ہے- گرفتار شوٹر کے بیانات اور تفتیش تعین کرے گی۔
