فیروز والا میں تھانہ فیکڑی ایریا پولیس نے کامیاب کارروائی میں چند روز پہلے اغواء ہونے والا بچہ بازیاب کروالیا۔
پولیس ترجمان کے مطابق ارحم چند روز پہلے بدو پلی علاقہ تھانہ فیکڑی ایریا سے اغواء ہوا تھا، پولیس نے جدید ٹیکنالوجی کے مدد سے بچہ بازیاب کر کے والدین کے حوالے کر دیا۔
ڈی پی او شیخوپورہ بلال ظفر شیخ نے ایس ایچ او فیکڑی ایریا اور اسکی ٹیم کو شاباش دیتے ہوئے کہا کہ پولیس نے تمام وسائل بروئے کار لاتے ہوئے جدید ٹیکنالوجی کی مدد سے بچہ برآمد کر کے والدین کے حوالے کر دیا۔
بچے کے بازیابی پر والدین نے پولیس کارکردگی پر اطمینان کا اظہار کرتے ہوئے ڈی پی او شیخوپورہ بلال ظفر شیخ کا شکریہ ادا کیا۔
