پاکستان کی ایمان خان نے مکسڈ مارشل آرٹس ایشین چیمپئن شپ میں گولڈ میڈل جیت لیا ۔
ایمان خان نے سینیئر ویمن فلائی ویٹ 56.7 کلوگرام کیٹگری کے فائنل میں قازقستان کی دیناراآیاپووا کو ناک آؤٹ کر کے گولڈ میڈل اپنے نام کیا۔
ایمان خان نے پاکستان کے لیے دوسرا گولڈ میڈل جیتا ہے ۔
اس سے پہلے پاکستان کی بانو بٹ ویمن کیٹیگری میں گولڈ میڈل جیت چکی ہیں ۔
ایمان خان کی گفتگو
ایونٹ میں کامیابی کے بعد گفتگو کرتے ہوئے ایمان خان کا کہنا تھا کہ میں نے اس ایونٹ کے لیے تین سال سے زیادہ محنت کی ہے، بانو بٹ نے بھی گولڈ جیتا ہے، ان کو مبارک باد پیش کرتی ہوں۔
ایمان خان کا کہنا تھا کہ میں چاہتی ہوں ایم ایم اے اور دیگر سپورٹس میں بھی پاکستان کا نام روشن کرتے رہیں ۔
