میو اسپتال میں کینسرمریضوں کو زائد المعیاد انجکشن لگنے والے مریضوں کی تعداد سات ہوگئی۔
اسپتال کےچیف آپریٹنگ آفیسرپروفیسر فیصل مسعود نےسماء سےگفتگومیں کہا واقعہ تین اسٹور کیپرز،ایک فارمیسسٹ کی غفلت سے پیش آیا۔
پروفیسرفیصل مسعود نےبتایا تمام مریضوں کو رابطہ کر کےاسپتال بلایا گیا،3 مریض اسوقت میو اسپتال میں داخل ہیں،تمام مریضوں کو مختلف تاریخوں میں زائدالمعیاد انجکشن لگے،زائدالمعیاد انجکشن مریضوں کےدل پراثرکرسکتا ہے،تمام مریضوں کی حالت نارمل ہے۔
مزید کہا کہ زائدالمعیاد انجکشن لگنے سےکوئی مریض متاثرنہیں ہوا،انجکشن دینے والی نرس سمیت دیگر ملازمین کےخلاف کاروائی ہوگی،فیکٹ فائنڈنگ کمیٹی نے رپورٹ تیار کرلی ہے۔
