انٹرنیشنل کرکٹ کونسل (آئی سی سی) نے نئی ٹیسٹ رینکنگ جاری کر دی ہے۔
آئی سی سی نے بدھ کو ٹیسٹ فارمیٹ کی تازہ رینکنگ جاری کی جس میں بیٹرز کی فہرست میں پہلے نمبر پر نیوزی لینڈ کے کین ولیمسن موجود ہیں۔ اسی طرح بولرز کی رینکنگ میں پہلے نمبر پر روی چندرن ایشون براجمان ہیں۔
پاکستان کے بابر اعظم رینکنگ میں تیسرے نمبر پر موجود ہیں، انگلینڈ کے ہیری بروک تین درجے ترقی کے بعد 7 ویں جبکہ انگلینڈ کے زیک کرالے تین درجے ترقی کے بعد 13 ویں نمبر پر آگئے۔
ٹیسٹ بالروں میں انڈیا کے روی چندرن ایشون کا پہلا نمبر برقرار ہے جبکہ انگلینڈ کے جیمز اینڈرسن نے ٹیسٹ کیرئیر کا اختتام 8 نمبر رینکنگ پر کیا، پاکستان کے شاہین آفریدی رینکنگ میں 9 ویں نمبر پر موجود ہیں۔ ٹیسٹ آل راؤنڈرز میں بھارت کے رویندرا جڈیجا کا پہلا نمبر برقرار ہے۔
