پیغام رسانی کیلئے دنیا میں سب سے زیادہ استعمال ہونے والی ایپلی کیشن واٹس ایپ نے اینڈرائڈ صارفین کی بڑی پریشانی حل کرتے ہوئے اہم ترین فیچر جلد ہی متعارف کروانے کا اعلان کر دیاہے۔
واٹس ایپ بیٹا کے مطابق واٹس ایپ ایک ایسے فیچر پر کام کر رہا ہے جس سے فارورڈ اور شیئر کیئے گئے پیغامات کو چینلز پر شیئر کرنا انتہائی آسان ہو جائے گا ، اس پر کام جاری ہے جس کے لانچ ہونے کے بعد چینل مالکان اینڈرائڈ پر پیغامات، تصاویر ، ویڈیوز براہ راست اپنے چینلز پر شیئر کر سکیں گے ۔ آئی فون کیلئے یہ فیچر متعارف کروا دیا گیا ہے تاہم اینڈرائڈ صارفین کیلئے اس کی ٹیسٹنگ جاری ہے اور جلد ہی متعارف کروائے جانے کا امکان ہے ۔
اس وقت دنیا بھر میں لگ بھگ 2 ارب سے زیادہ لوگ واٹس ایپ کا استعمال کرہے ہیں، اور اس میں نئے فیچرز کا اضافہ آئے روز ہوتا رہتا ہے۔ کچھ صارفین ایسے بھی ہوتے ہیں جو آئے روز نئے شامل ہونے والے فیچرز کے بارے میں زیادہ نہیں جانتے۔
