لاہور پنجاب اسمبلی میں وزیرپارلیمانی امورمجتبیٰ شجاع الرحمن نے پرنٹ، الیکٹرونک اور سوشل میڈیا پرجعلی خبریں پھیلانے پر ہتک عزت پنجاب 2024ء ایوان میں پیش کردیا ۔
تفصیلات کے مطابق وزیرپارلیمانی امورمجتبیٰ شجاع الرحمن نے بل ایوان میں پیش کیا،بل کا اطلاق پرنٹ، الیکٹرونک اور سوشل میڈیا پر ہوگابل کے تحت جھوٹی اورغیر حقیقی خبروں پر ہتک عزت کا کیس ہو سکے گا۔
بل کا اطلاق یوٹیوب ، ٹک ٹاک، ایکس/ٹوئٹر سے پھیلائی جانے والی جعلی خبروں پر بھی ہوگا فیس بک، انسٹا گرام کے ذریعے پھیلائی جانے والی جعلی خبروں پر بھی اطلاق ہوگا ذاتی زندگی اور عوامی مقام کو نقصان پہنچانے والی خبروں پر قانون کے تحت کارروائی ہوگی ہتک عزت کے کیسز کےلئے خصوصی ٹربیونلز قائم ہوں گی۔
بل کے مندرجات میں مزید لکھا گیا کہ خصوصی ٹربیونلز چھ ماہ میں فیصلہ کرنے کے پابند ہوں گےبل کے تحت تیس لاکھ روپے کا ہرجانہ ہوگا آئینی عہدوں پر موجود شخصیات کیخلاف الزام کی صورت میں ہائی کورٹ کے بنچ کیس سننے کے مجاز ہوں گےخواتین اور خواجہ سرائوں کےلیے حکومتی لیگل ٹیم کی سہولت میسر ہوگی ۔
ذرائع کے مطابق حکومت نے صحافتی تنظیموں کی بل موخر کرنے کی تجویز مسترد کردی ،صحافتی تنظیموں نے وزیر اطلاعات سے ملاقات میں بل موخر کرنے کا مطالبہ کیا تھا بل بارے صحافتی تنظیمیں اپنی تجاویز دینا چاہتی ہیں۔
دوسری جانب اپوزیشن نے بھی ہتک عزت بل کو مستردکردیا اپوزیشن نے بل بارے دس سےزائد ترامیم پنجاب اسمبلی میں جمع کروا دیں۔
